ဗွဲလ္တူကျာဗဳလာ
ဝေါဟာရဗှ်ေသုၚ်စောဲ
နဲပၞောန်ညဳသၟဟ်ရ
စိုပ်ကၞောတ်ဝါကျ ဗှ်ေဒုၚ်ရမျာၚ်ဆ္ဂး...။
သၠုၚ်ဂှ်ဒးဗီု
အနာံဏံစှ်ေဗၞတ်
ကၞောတ်တေံမှကိတ်ညဳ
ဠသ္ၚဳရံၚ်မၞိဟ်ချိၚ်ဗဒါဂှ် ဒှ်ဗှ်ေသၟး...။
လၟေၚ်ကိုန်ဇာတာ
တမ္ၚာဒှ် အကုသဵုဏေါၚ်ဂး
သၟဝ်ဂၠးၜဳဂမၠိုၚ်
သ္ၚိဇာဒိဖိုၚ်ဟာ
ဟွံသေၚ်တှ်ေ ဇာနှိက်ချဳကဟာ
သွဟ်ဍာံချိုတ်ပၠိုတ်မွဲဂှ်
တၞံမကၠုတ်လ္ဒောဝ်ကရာဲ
ဓလာဲဍုဟ်မံၚ်မွဲလ္ပာ်
ယဝ်လ္ၚာ်ရံၚ်မ္ဂး
ဟွံဒးဓယံက်လေဝ် အေဲသရိုဟ်ဖိုဟ်လ္ပာ်အဲ..။
သၟဝ်သ္ၚိအဲဂှ် ဗက်ၜံက်ခါဲ
သွက်ဂွံဟေန်ဆာဲဍာ်ဟၟဲဏီ
ပြံၚ်မံၚ်အာရီုကုလ္တိုပ်
ဒက်မံၚ်ကလာပ်ရုပ်ကုမတ်ဗြဲ
ပိုက်ကဝဲစုတ်မံၚ်သၟုဟ်ဂမ္တဴ
ညးလဵုမွဲဒုၚ်တဲရောဂှ်
က္လေၚ်သၟာန်စမ်ရံၚ် ပ္ဍဲသွပ်လ္ပအ်ဗှ်ေကၠာ...။
ကၞေဟ် - ဝိသုတ်
No comments:
Post a Comment