တုဲတှေ်မွဲအဆက်ဓဝ် ဗီုဟီုနူကၠၚ်ဂှ်ရ တ္ၚဲဏံ ပသာ်(၈)စွေက်ဏောၚ်၊ တ္ၚဲဟံသာဝတဳလီုဏေါၚ်၊ အေဂှ်လေဝ် ပိုဲဝိုတ်ထောံဟွံဂွံပုဟ်၊ တ္ၚဲဍုၚ်ပိုဲလီုလဝ် ဍုၚ်ပိုဲလီုလဝ်ဏံဂှ် ဂွံပ္တန်ဍုၚ်တၟိ ရန်တၟအ်ကဵုဖေတ်ဒရာ အတိုၚ်ပိုဲရန်တၟအ်လဝ် ကောန်ဂကူဂလိုၚ်ရန်တၟအ်လဝ်၊ မန်မွဲဓဝ်ဟွံသေၚ်ပုဟ်၊ ကောန်ဂကူဂလိုၚ်ရန်တၟအ်လဝ် ဍုၚ်ဖေတ်ဒရာ ညံၚ်ဂွံပ္တန် တၟိ၊ ကၠောန်ပ္တန်ညံၚ်ဂွံပ္တန်ဍုၚ်တၟိ ဣဏံရန်တၟအ်လဝ် ဂွံပ္တန်ဍုၚ်ကီုဏေါၚ်၊ ဒှ်ဟဂှ်ဏေါၚ်ဟီုတှေ် မွဲလ္ပာ်ဂှ် တ္ၚဲဟံသာ ဝတဳလီုဟီုဂှ် ပိုဲစွံလဝ်စိုတ်ပ္ဍဲဂၠံသြိုဟ်ပိုဲတုဲတှေ် ညံၚ်ဂွံပ္တန်ဍုၚ်တၟိမာန် ပိုဲဂစာန်ညိ မိက်ဂွံဗ္တိုက်ဖအောဝ်။ တုဲတှေ် လၟေၚ်ကမၠောန်ဒးကၠောန်ဂှ်ကၠောန် ဟွံမိက်ဟီုပုဟ်။ ဆ္ဂး ဂွံပ္တန်ဍုၚ်တၟိဏံဂှ် ရန်တၟအ်ကဵုဍုၚ်မန်တြေံတေံရ။ဖေတ်ဒရာ ဍုၚ်ဇေတ်တ်ညံၚ်ဂွံမံက်မာန်ဂှ် ပိုဲဒးဂစာန်ဏေါၚ်၊ နကဵုသန္ဓိဌာန်ပိုဲနွံနွံ ပိုဲဆက်ဇက်အာညိ မိက်ဂွံဗ္တိုက်ဖအောဝ်။
တုဲပၠန် လ္ၚဵုဂှ်ပါ်ပါဲမံၚ် ဟီုမံၚ်ပြး ပိုဲထ္ပက် NCA ဂှ် လ္ၚဵုဂှ်ဟီုထ္ပက်ဟွံထေက်ပုဟ်၊ ဟီုမံၚ်လၟုဟ်၊ စနူပိုဲဒးဒုၚ် ပါ်ပါဲမံၚ်၊ ဖံက်သစ္စကဵုဂကူဟီုမံၚ်၊ ပိုဲဖံက်သစ္စကဵုဂကူ ပိုဲဟွံညာတ်ပုဟ် ဒၞာဲလဵုပိုဲဖံက်သစ္စကဵုဂကူ။ ပိုဲကၠောန်သွက်ဂကူ မန်ဟီုဂှ် (၅၀)သၞာံပြၚ်ရ၊ပိုဲကၠောန်ကၠုၚ်တုဲမံၚ်ရ။ စိုတ်ပိုဲလေဝ်သွက်ဂွံဖံက်သစ္စကဵုဂကူဟွံမွဲပုဟ်၊ ဆဂးညးလ္ၚဵုဟီုမံၚ်ဂှ် လ္ပာ်ဗော် ဍေံဖျေံကၠေမ်ဗော် ဟီုမံၚ်ပြး၊ ဗီုညးညးဟီု၊ ဆဂး ဣဏံဂှ် အရၚ်ဂကောံဟွံသေၚ်ပုဟ်၊ ဗီုနူကၠၚ်ဂှ် ဟီုဖျေံ ကၠေမ်ကဵုဂကူမ္ဂး ဒုၚ်ဝါတ်မံၚ်၊ မုဟိုတ်ပိုဲရဲကၠောန်၊ ရဲလ္ၚဵုဂှ်မုလေဝ်ဟွံကၠောန်တုဲ ဟီုမံၚ်ပြး၊ ဟီုမံၚ်ပြးဟွံဂွံပုဟ်၊ မၞိဟ်ဟီုမံၚ်ဂှ် ညံၚ်ဂွံကၠောန် ဂစာန်ကၠောန်၊ နူကၠၚ်ဂှ် အ္စာတၠမွဲဂှ်ဟီုဏါ ပ္ဍဲပံက်အသေဟာန်ဂှ် ညးဟီုဏာ ဂကူပိုဲဒးသ္ပ သတိမွဲဂှ်၊ ဂကူပိုဲကြပ်ကၠေံမံၚ်၊ ဂကူပိုဲကြပ်ကၠေံမံၚ်ဏေါၚ်၊ ပိုဲကၠောန်ကၠုၚ် (၅၀)သၞာံ၊ ပိုဲက္လေၚ်ရံၚ် လ္ပာ်လက်ကရဴ တေံမ္ဂး၊ မန်ဍုၚ်ဗၟာ ဒှ်အာဗၟာတၟာဂလိုၚ်၊ မန်ဍုၚ်သေံ ကၠေံအာဟဂှ်၊ အတိုၚ်ဂှ်ရ အတိုၚ်အ္စာတၠဂှ်ဟီုမ္ဂး မန်ကြပ်ကၠေံ မံၚ်ကွေံဏေါၚ်။ ညးညးအဲအဲ ပိုဲစွံသတိတုဲတှေ် မၚ်မွဲထိၚ်ဒဝ်အိုတ်ညိ၊ ယေန်သၞာၚ်ပိုဲ၊ အခိုက်ကၞာပိုဲ၊ လိက်ပတ်ပိုဲ၊ အရေဝ်ခြာပိုဲ၊ ပိုဲဟွံထိၚ်ဒဝ်တှေ် ကၠေံဏေါၚ်၊ ကၠေံချိုတ်ပၠိုတ်ဏောၚ် ပိုဲကဵုဂွံစှေ်စိုတ်ညိ။ ပိုဲဂွံတီကေတ်တုဲ ညံၚ်ဂွံစွံ သတိလေဝ်၊ ဗီုအ္စာတၠဟီုဂှ်ရ စွံသတိဂၠိုၚ်ၚ်အိုတ်တုဲ မၚ်မွဲအိုတ်ညိ မိက်ဂွံဗ္တိုက်ဖအောဝ်။
သရောပ်မိက်ဂွံဟီုတှေ် တ္ၚဲဏံ (၂၁) ရာစု ပေန်လုၚ်ဟီုဂှ် စၞးဂကူမန်၊ ရမျာၚ်ဂကူမန်ပိုဲ ပ္ကောံပ္ကေဝ်တုဲရ။ ရမျာၚ်ဂကူမန်ပိုဲ ညးတအ်တီဏေါၚ်လေဝ် တီတုဲညးတအ်ချပ်ဏောၚ်လေဝ်၊ လညာတ်အဲတှေ် ဒှ်အရာခိုဟ် ပေါဲဗီု ဏံပိုဲဟွံဂွံကၠောန်မွဲလှေ်ပုဟ်၊ ဂွံကၠောန်လေဝ် အကာဲအရာဟွံကဵုကၠုၚ်ပုဟ်၊ တ္ၚဲဏံပိုဲထ္ပက် NCA ဂှ် ရန်တၟအ်ဂွံ တက်ကျာပရေၚ်ဍုၚ်ကွာန်၊ ဂွံသှ်ကလး ကမၠောန်ညးဂလိုၚ်မာန်၊ ရန်တၟအ်သာ်ဏံဏေါၚ် ညံၚ်ဂွံကၠးလဝ်၊ ပိုဲဖံက်သစ္စ ကဵုဂကူဟွံသေၚ်ပုဟ်၊ ပိုဲရန်တၟအ်လဝ် နဲပရေၚ်ဍုၚ်ကွာန် နပရေၚ်ဍုၚ်ကွာန်ဟေၚ် ပိုဲဂွံတက်ကျာ သှ်ကလးပြသၞာ ပရေၚ်ဍုၚ်ကွာန်ဏေါၚ်၊ ဣဏံ ဒှ်မံၚ်ပၞာန်ညးသ္ကအ်ကၠးကၠး (၇၀) သၞာံရ။ ဗ္ဒာဲ (၇၀)သၞာံရ။ ညးဟွံမာန်အဲ၊ အဲဟွံမာန် ညး၊ လက်သန်ဏံဂှ် ဟွံဂွံပုဟ်၊ ပိုဲဒးဂၠာဲနဲဏေါၚ်၊ အေဂှ်ရ နဲခိုဟ်အိုတ်ဂှ်တှေ်၊ တက်ကျာ သှ်ကလးနနဲပရေၚ်ဍုၚ် ကွာန်ဂှ် ခိုဟ်အိုတ်ရ။ နနဲဂှ်ဟေၚ် ပိုဲထ္ပက် NCA ဏေါၚ်၊ ပိုဲထ္ပက် NCA ဂှ် ဂွံပ္တန်ဍုၚ်ဖေတ်ဒရာ၊ ဍုၚ်ပံၚ်ကောံဇေတ်တ် ဂှ် ညးတအ်ဒုၚ်တဲ။ ဆ္ဂး နိုၚ်ၚံရေး ဆွေးနွေးပွဲ အလိုက်အလိုက် ညံၚ်ဂွံညီဟီုဂှ် ၜိုတ်သဳကၠဳဂှ် ညးဂလိုၚ်ဒုၚ်တဲစှေ် စိုတ်ၜိုတ်လဵုဂှ် ကေတ်ဟွံဒးလေဝ်၊ ဆ္ဂး မူဂှ် ဖေတ်ဒရာဂှ် ဍေံစှေ်မံၚ်ရ။ သၞောတ်ဖေတ်ဒရာ ဒဳမဝ်ကရေဇြဳ ဖက်ဒရယ် စနစ် အခြေခံ၊ သၞောတ်ဒဳမဝ်ကရေဇြဳရ။ သၞောတ်ဖေတ်ဒရာရ။ ပိုဲညာတ်ဗီုဂှ်၊ လညာတ်အဲတှေ် မွဲလ္ပာ်ဂှ်ဓဝ်ညဳသာ လေဝ်ဟီုဂွံ၊ ဆ္ဂး မွဲလ္ပာ်ဂှ် ဗီုပိုဲရန်တၟအ်လဝ် ဍုၚ်ပံၚ်ကောံဇေတ်တ် ညံၚ်ဂွံမံက်မာန်ပိုဲဂ္စာန်အာဏေါၚ်။ ညံၚ်ဂွံကၠိုဟ်တုဲ တှေ် ညးညးအဲအဲညံၚ်ဂွံပါလုပ်၊ လ္ပာ်အလဵုအသဳ၊ ဗီုသ္ကိုပ်ဝန်ဇၞော် ဍုၚ်မန် ဒံက်တာအေဇြာန်ဟီုဂှ်လေဝ်။ ညးညးအဲအဲ ညးဍုၚ်ကွာန် ညံၚ်ဂွံပါလုပ်တုဲတှေ် ညံၚ်ဂွံဘိုၚ်ဂ္စာန်၊ ဘိုၚ်ပါလုပ် သေဲသေဲညိဂှ် မိက်ဂွံဗ္တိုက်ဖအောဝ်တုဲ ရုပ်ကၠေံနိဂီု ဆၜိုတ်ဏံရ။
No comments:
Post a Comment