ရဲယျေ
ပုစ္ဆာတၚ်သၟာန်ဂမၠိုၚ်အုပ်လ္ဒမ်လဝ်သွဟ်ဂှ်
ဒှ်လ္ဒေါဝ်ကန္တာဘဝပိုဲ မပ္တဝ်ကွာ်တရဴ
လဆောဝ်ဝ်တ္ၚဲကတဴဗြဲဂူလေဝ်ဒးဒုၚ်
ပွပ္ဍုၚ်က္တၚ်လေဝ်ကောံဗိုၚ် ဇြိုၚ်စိုတ်မွဲလ္ပကရောတ်ဏီ။
ရဲယျေ
ပကတိရုပ်ဘဝရုပ်အရိုၚ်ခြိုၚ်လဝ်ပိုဲလၟုဟ်
ၚုဟ်မးနွံဆၜိုတ်ဂိတုတၟးပ္ဍဲပထောၚ်ဍေၚ်
ကၠေၚ်ရှ်သာဘဝလေဝ်ဟွံညာတ်ကၟာတ်မတ်က္တောဝ်တုဲ
ပတိတ်ပရဲ ရေက်ကးဇြောတ်ဆီလ္တူပိုဲ။
ရဲယျေ
ဗီုတိပိုဲချူဓဇက် ဍေံသက်ထောံဗီုသ္ၚိဇာဒိဖိုၚ်
ဒၞါဲဇိုၚ်ညးတၞဟ်လေဝ်ပေၚ်ကၠေတ်ကၠောံဒိုဟ်ယျ
သ္ပလဝ်မဇ္ဇျဟ်လအ်ဒၞာဲဖျေံကၟအ်ကၠေံအာဏေါၚ်
ပ္တိတ်လၟောၚ်ဆီပဠက် က္လေၚ်ဓဇက်ကေတ်ဗီုတိတၟိစိုအ်။
ကၞေဟ် - ဝိသုတ်
No comments:
Post a Comment