မြဟ်ပြာကတ်လောန် ဍုၚ်မန်တြေံ
စပ်ကဵုဍုၚ်မန်တုဲ ကလေၚ်ချပ်အာ ခေတ်တြေံမ္ဂး
မိပ်မြဟ်တိုန် အပ္ဍဲစိုတ်ရ။ ၜိုတ်ဗဳဇြဳ ၁၀၀၀ (BC-1000)ဂှ် မန်တအ် ပ္တန်ဗဒှ်ကၠုၚ်လဝ် ဍုၚ်သုဓမ္မဝတဳ အပ္ဍဲပွဳပွူဒဵုကေလာသ
(မၞုံုအပ္ဍဲခရိုၚ်သဓီုလၟုဟ်)။ ဗွဲကြဴ ဍုၚ်ဝွံ လီုတုဲ ပြံၚ်ဆုဲပ္တန်လဝ် ဍုၚ်သဓီု
(သုဝဏ္ဏဘုမ္မိ) ပၠန် (အပ္ဍဲဍုၚ်ပါဒ ပွိုၚ်ဍုၚ်ကျိုက်တာန်လၟုဟ်)
အပ္ဍဲသက္ကရာဇ်သာသနာၜိုတ် ၁၆၀၀။ လက်ထက်သၟိၚ်မန်မနုဟဝ် သၟိၚ်ဗၟာအနဝ်ရထာ
ကၠုၚ်ဗတိုက်တုဲ ဍုၚ်သုဝဏ္ဏဘုံလီုအာ။ အပ္ဍဲသက္ကရာဇ်သာသနာ ၁၁၁၆ ဂိတုမာ်မွဲစွေက်ဂှ်
သမလကဵုဝိမလ ပ္တန်ဍုၚ်ပထမဟံသာဝတဳ။ ဍုၚ်ဟံသာဝတဳဝွံ တန်တဴဂွံ ၄၇၁ သၞာံတုဲ လီုအာ။ ဆဂး
သၟိၚ်ဗညာဥူ မဒှ်မအံက် တၠညးရာဇာဓိရာဇ် ဂှ် ကလေၚ်ပ္တန်နန်
အပ္ဍဲဍုၚ်ဟံသာဝတဳဂှ်ပၠန်တုဲ ဒုတိယဟံသာဝတဳ မံက်ဂတဝ်ပြာကတ်ကၠုၚ်ရ။ အပ္ဍဲအေဒဳ ၁၂၁၈
သၟိၚ်ဗညာဥူဂှ် လပါ်မုတ္တမတေအ်လေဝ် ပ္တန်ဗဂဵုလဟဵုဍုၚ် ဂဇအ်ကၠုၚ်နန်ကီုရ။
လက်ထက်သၟိၚ်ဗၟာဗယေအ်နံၚ်ဂှ် မန်ပိုဲကျအာပၞာန်တုဲ ဍုၚ်ဟံသာဝတဳလီုအာပၠန်။ ဗွဲကြဴ
အပ္ဍဲအေဒဳ ၁၇၄၀ သၟိၚ်မန်ဗညာဒလ ပိုၚ်ပြဳတတိယဟံသာဝတဳတုဲ ဆက်ပကၚ်ရၚ်ကၠုၚ်ရ။ ဆဂး
အပ္ဍဲသက္ကရာဇ် ၁၁၁၉ ဂှ် ကျအာပၞာန်ဗၟာ အံၚ်ဇေယျတုဲ ဍုၚ်ဟံသာဝတဳဂှ် လီုအာပၠန်ရ။
တၚ်ဂပ်ဝ်သမ္တီ ။ ။ အခိၚ်မန်ရာမညဒေသပိုဲဏအ် အုပ်ဓုပ်ပ္ကၚ်ရၚ်ဒၟံၚ် ဍုၚ်သဓီု
လ္ဂုၚ် ဟံသာဝတဳကၠာတဲတေအ်ဂှ် မန်မၞံု ပ္ဍဲလ္ပါ်ဒေသ (တ္ၚဲဏအ်မကော်ဒၟံၚ် ဍုၚ်သေံ
/ဍုၚ်ထာဲလေန်လၟုဟ်) ဂှ်လေဝ် ပ္တန်ကၠုၚ်လဝ် ဍုၚ်မန် ကော်ဂး ဒွါရဝတဳ။ အပ္ဍဲအေဒဳ ၁၀၂၂
ဂှ် ဒွါရဝတဳလီုတုဲ မန်တအ်ပြံၚ်အာပ္တန်ဍုၚ်ဟရိဘုဉ္ဇရ။ အပ္ဍဲ ၁၂၉၂ ဂှ်
ဍုၚ်ဟရိဘုဉ္ဇလီုအာရ။
ဂကူမန်တအ်ဂှ် နွံကၠုၚ်ကဵုဍုၚ်ချိုတ်တ်ပၠိုတ်တ်သၟးဟွံက မပ္တံကဵု
ပရေၚ်ပိုန်ဒြပ်၊ အရေဝ်၊ လိက်ပတ်၊ ယေန်သၞာၚ်၊ ကွတ်ဇိုၚ်ကွတ်တဲ
ကွတ်ပညာနာနာဇၟာပ်ပ်လပါ် ဇၞော်မောဝ်ကၠုၚ်။ ဍုၚ်မန်လေဝ် မိပ်ဇြိပ်ရာၚ်ဆာဲ
မြဟ်ပြာကတ်ကွေဟ်ဟ်ရောၚ်ဟီုဂှ် အစာဝၚ်အပ္ဍဲဍုၚ် မ္ၚးဍုၚ်ဂမၠိုၚ် သ္ပသမ္တီလဝ်
နကဵုလိက်ကၞပ် နွံချိုတ်တ်ပၠိုတ်တ်ရ။
ကလေၚ်ဗှ်သၞာ ချပ်အာပရူဍုၚ်တြေံဂမၠိုၚ်တေအ်မ္ဂး ဒဒှ်ရဇၞော်မောဝ်ပြာကတ်ကၠုၚ်ဂှ်
ချပ်ဂွံတုဲ မိပ်စိုတ်ကၠာရ၊ ကလေၚ်ရံၚ်ဘဝမန်ပိုဲပကတိလၟုဟ်ပၠန်မ္ဂး ဍုၚ်လီုကၠေအ်
စိုပ်ဒၟံၚ်ဘဝဟွံဗၠးၜး ထေက်ကဵုဒးဂိုဟ် ဍုၚ်မန်တြေံတုဲ ထေက်ကဵုဒးရုန်ဂစာန်ကွေဟ်ဟ်
ညံၚ်ဂကူမန် ဂွံဗၠးၜး။
မုဟိုတ်ဍုၚ်မန်ဂွံလီု
မွဲအခိၚ်တေအ် မြဟ်ပြာကတ်ဇၞော်မောဝ်ကၠုၚ်ဂလိုၚ်ဂှ်ဂှ် မုဒှ်ဍုၚ်မန်ပိုဲ
ဒးလီုအာရောဂှ် ဂပ်ဝ်ကဵု ဒးလ္ၚတ်သၠဳဂၠိပ်ဇြိုဟ်ဟ်နက်က်ရ။ တီဟိုတ်ဖဵုပရေၚ်ဒဒှ်မ္ဂး
ဂွံဒၠောအ်ဗတောန် ဗွဲမဂၠိုၚ်မာန်ရောၚ်။
ဍုၚ်သုဝဏ္ဏဘုံ ဂွံဒတုံစှေ် အပ္ဍဲဍုၚ်ဗကာံ ဂွံလီုလာ်အာ
နကဵုဘဲပၞာန်သၟိၚ်ဗၟာအနဝ်ရထာဂှ် အပ္ဍဲပြကိုဟ်လိက်တၟအ်ကလျာဏဳ စၟတ်ဗျဉ် (ဂ)
စၞောန်ထ္ၜးလဝ် ဟိုတ်ၜိုတ် (၆)သာ်ဒှ်ကီုရ။ နိမိတ်ဍုၚ်လီု ထ္ၜးပျးဒၟံၚ်၊
ကဵုသမ္တီဒၟံၚ် ကုသၟိၚ်မနုဟဝ်ကောန်ဍုၚ်ကွာန်တအ်ဂှ် မပ္တံကမၠတ်ဒမၠမတာဗ္တိုက်ပၠံၚ်စဂၠိုၚ်၊
ယဲကပ်ကတဵုဒှ်တိုန် ညံၚ်ရဴဂျိဇြံု ယဲသရလာ်ဍာ်ဇွောဝ်၊ ကတဵုဒှ်ကၞောဝ်ကၠောဝ်ဗျဵု၊
ပၞာန်ထပှ်ဍုၚ် ဇက်ကၠုၚ်ဍဵုဍိုက် (ကြပ်ဗတိုက်ပၠံၚ်ကေတ်) ကၠုၚ်ပလီုဇြဟတ်သာသနာ၊
ခမဳသၚ်တအ် ရနုက်ဗပေၚ်ပရိယတ် ပဋိပတ်အောန်စှေ် (ထံက်ပၚ်ဟၟဲကှ်ကေဲအေဲဇြစှေ်)
သၟိၚ်မနုဟဝ် စိုတ်ဓါတ်ယိုက်ဒိုက်ထံက်ပၚ်သာသနာဍိုန်လျစှေ်အာ သ္ဂးလဝ်ရ။ ဣဝွံ
စပ်ကဵုဍုၚ်သဓီုသုဝဏ္ဏဘုံလီုတုဲ သ္ၚဳဂၠိပ်လဝ် ဟီုစမာန်ရ။ လတူဍုၚ်မန်မွဲတုဲမွဲ
လီုအာဂှ်လေဝ် တၚ်သ္ၚဳဂၠိပ်နာနာ လညာတ်နာနာနွံဂှ် ဂပ်ဝ်ကဵုဗစာရဏာရ။ ဆဂး
အစာဝၚ်ခေတ်တၟိ အစာသုတေသနခေတ်တၟိတအ် ညာတ်ကေတ်ဂှ် သရောပ်မ္ဂး နွံအတိုၚ်သၟဝ်ဝွံရ။
အပ္ဍဲတၞောဝ်ဒတောဝ်ဨကရာဇ်မွဲ တၞောဝ်ဒတောဝ် ဒးလက်ထက်ဨကရာဇ်အစောံဟွံမွဲ (ဝါ)
အစောံစရာဲအောန်လောန်အာဟီုဂှ် စပ်ကဵုပရေၚ်အုပ်ဓုပ်စဳမာန်
ဍိုန်လျယုတ်သဝ်ဇၞော်ကဵုဒြဟတ်တုဲ ဍုၚ်ဒးလီုသၟးဂၠိုၚ် သ္ဂးရ။ အဓိပ္ပါယ်ဂှ် အခေတ်တေအ်
ဒှ်ခေတ်ပဒေသရာဇ် ဨကရာဇ်မွဲတၠဟေၚ် နွံအဝဵုသဗ္ဗတုဲ လက်ထက်ဨကရာဇ် အစောံစရာဲဍိုန်လျ၊
သတ္တိဗျတ္တိအောန်၊ ဂွံအဝဵု(ဒှ်သၟိၚ်)ဂှ် မပ္တံပရေၚ်အုပ်ဓုပ်၊ ပရေၚ်ပၞာန်၊
ပရေၚ်ပိုန်ဒြပ်နာနာတအ် ဍိုန်လျလီုလာ်တုဲ ဒြဟတ်အောန်ယအ်စှေ် ဍုၚ်ကွာန်ဟွံမိပ်ဇြိပ်
ဟွံရာၚ်ဆာဲဒှ်တိုန်ရ။ ခေတ်ဝွံဂှ် ဒှ်ခေတ်တၠတိပိုၚ်ဍာ်၊ ပိုန်နန်ဂမၠိုၚ်
သ္ပဇၞော်ကဵုဒြဟတ်ဒပ်ပၞာန် ဒြဟတ်လွဟ်လက်နက်တုဲ သမၠဲတိရးဂၠးတိဗတိုက်သီဍုၚ်နန်
လတူဍုၚ် ဒြဟတ်မအောန်ယအ်ဍိုန်လျတအ်ရ။ ဟိုတ်ဂှ်ရ လက်ထက်ဨကရာဇ်
အစောံစရာဲမဍိုန်လျလောန် မအောန်ကုသတ္တိဗျတ္တိဂှ် ဒုၚ်ဗတိုက်
တာဒၞာဘဲပၞာန်ဍုၚ်သအာၚ်တၞဟ်ဟ် ဟွံမာန်တုဲ ဒးကျပၞာန် ဍုၚ်ဒးလီုကၠုၚ်ရ။
သအာၚ်နူတၚ်မထ္ၜးလဝ်လတူဂှ်တုဲ တၚ်တၞဟ်ဟ်လေဝ် နွံဗွဲမဂၠိုၚ်မာန်ရောၚ်။ ဆဂး
သရောပ်ရံၚ်မ္ဂး သၞောတ်ပဒေသရာဇ်သၟးဟွံသေၚ် ဗွဲကြဴ စိုပ်ခေတ်တၠတံရိုဟ်
သၞောတ်တၠတံရိုဟ်လေဝ် ဗီုဂှ်ကီုရ။ ဝါဒသမၠဲတိ ဗ္တိုက်ပၠံၚ်တိသီဍုၚ်
သီဗၜေါဝ်ဒြပ်ရတ်ပိုန်ဟာန် ကပေါတ်သယံဇာတ မၞံုလတူတိ သၟဝ်တိနာနာဂှ်
နွံကၠုၚ်အလုံဂၠးကဝ်မွဲရ။ ဟိုတ်ဂှ်ရ ဍုၚ်မွဲမွဲ သၞောတ်အုပ်ဓုပ်ဍုၚ်
(သၞောဝ်ပရေၚ်ဍုၚ်ကွာန်)မဂပ်ဝ်ဒးရးကဵုဍုၚ်ဇကုဂှ် စကာဒ္ဂေတ်ဗက်တုဲ မပ္တံ
ပရေၚ်အုပ်ဓုပ်၊ ပရေၚ်ပၞာန်၊ ပရေၚ်ပိုန်ဒြပ်၊ ပရေၚ်လိက်ပတ်ယေန်သၞာၚ်သွာၚ်နာနာဂှ်
ပခိုၚ်ကၠောန်လဝ် ခိုၚ်ၚ်ကၠိုက်က်ဍိုက်က်ပေၚ်ၚ်မာန်မ္ဂး ဍုၚ်ဇကုဂကူဇကု
ဂွံတန်ကြန်မာန် ထိၚ်အာဂွံ အပ္ဍဲမွဲမွဲအခိၚ် မွဲမွဲပ္ၚံက် ကျညးတၞဟ်
စိုပ်အာသၟဝ်တဲညးတၞဟ်ကၠာလေဝ် ကလေၚ်ပၠန်ကဵုညးတၞဟ်မာန်ရောၚ်။
ဍုၚ်တြေံလီု ပ္တန်ဍုၚ်တၟိ
ကလေၚ်ရံၚ်အာဍုၚ်မန် မလောန်ကၠုၚ် အပ္ဍဲကာလအတိက်တေအ်မ္ဂး ကေၚ်လီုကၠုၚ် ဗွဲကြဴ
ပရေၚ်ဒက်ပတန်တၟိ ဒှ်ကၠုၚ်ပၠန်။ သာ်ဝွံ တန်ဆန်တန်ဆန် နွံကၠုၚ်ဒၟံၚ်။ ပ္ဍဲသက္ကရာဇ်
၁၁၁၉ ကျအာပၞာန်ဗၟာတုဲ ဍုၚ်မန်လက်ကြဴအိုတ် တတိယဟံသာဝတဳဂှ်လီုအာ၊ ကျအလန်ဏအ်ဂှ်
ကျဂိအိုတ်ရ။ ဒတောဝ်တၞောဝ်ဨကရာဇ်မန်လေဝ်ပိုတ် ဍုၚ်မန်လေဝ်လီုအိုတ်၊
ဂကူမန်မရိုဟ်လၟိဟ်ဟွံမာန်တအ် ဒးဒုၚ်ဂစိုတ် မဒးဂြိပ်ဒဴလလဴဇကု စိုပ်အာလ္ပာ်ဍုၚ်သေံ
ညးမဂြိပ်ဒဴဟွံမာန် ဗွဲမဂၠိုၚ်တအ် ဗၠိုက်တၞီကၠာဲကၠေအ်အာ အကြာညးတၞဟ်
နွံဗွဲမဂၠိုၚ်ဂၠေၚ်။
ဍုၚ်မန်လီုအာ အလန်လက်ကြဴအိုတ်ဏအ်တုဲ ဂကူမန်တအ် ဆက်ဂစာန်တဝ်စၞေဟ်ကၠုၚ် အဆက်ဆက်
သ္ဂောံကလေၚ်ဂွံဍုၚ်မန်ပၠန်။ ဂကူမန်ပိုဲဂှ် ဝၚ်ကီု လိက်ပတ်ယေန်သၞာၚ်ကီု သဇိုၚ်ခိုၚ်ကၠိုက်ဗွဲမလောန်ရ။
ဂကူမန်တ္ၚဲဏအ်လေဝ် မၞံုကဵုလက်သန်ဂကူ ဂၠးတိသ္ပသမ္တီ ပေၚ်ၚ်ဖိုဟ်ရ။
တိဍာ်ဒၞာဲဒမံၚ်လေဝ်ဒးရး။ လၟိဟ်မၞိဟ်ကီု၊ ဒြဟတ်နာနာ မပ္တံဒြပ်ရတ်၊ ကွတ်ပညာကီု
အပ္ဍဲဂကူမန်ပိုဲ နွံဒၟံၚ်တၟာဂလိုၚ်။ ဟိုတ်ဂှ်ရ ပေဲါဗတိုက်ဗၠးၜးဂကူဂှ်
လုပ်အာမာန်ခိုဟ်ဟ်ရ။ ဟီုမွဲသာ်ပၠန်မ္ဂး ကလေၚ်ပ္တန်ဍုၚ်မန်တၟိမာန်ဒၟံၚ်။ တ္ၚဲဏအ်
ဂကူဂမၠိုၚ် ဘဝမတုပ်သၟဟ်ကဵုဂကူမန်တအ်လေဝ် သွက်ဗၠးၜးဂကူ
လုပ်ဒၟံၚ်ပေဲါဗတိုက်ကီုဖိုဟ်ရတုဲ အခိၚ်အခါအကာဲအရာလေဝ် ခိုဟ်ကွေဟ်ဟ်ရောၚ်။
ဟိုတ်ဂှ်ရ အလုံဂကူမန်မွဲ စိုတ်ထတ်တ်၊ ဒြဟတ်ဇဲသတ္တိနွံနွံ ဆက်လုပ်အာပေဲါဗ္တိုက်မ္ဂး
ဂွံပေဲါအံၚ်ဇၞးဗွဲစၟတ်ရောၚ်။
အပ္ဍဲကဵုဂစာန်လွဳပရာ လုပ်အာပေဲါဗတိုက်ဏအ်ဂှ် စိုတ်ဆာန်ဂကူ
ညံၚ်ဂွံထတ်ဒၟံၚ်လၟိုန်ဂှ် နဒဒှ်သဇိုၚ်အဓိကမွဲ စွံတုဲ လၟိုန်ကာလလွဳပရာရောၚ်။
ဇၟာပ်ဂကူမန် ညံၚ်ဂွံတီလဝ် ဝၚ်မန်ဂှ် ဒးဂိုတ်ဂစာန်သ္ပလွဳ။ ကောန်ဗွဲကြဴစဴဗွဲဂတ
ဂွံတီဂှ် ဒးတွံလဴထ္ၜး။ ဍေဟ်တအ်ဂွံတီကၠးဂှ် ဒးကဵုလ္ၚတ်။ တီလဝ်ဝၚ်ဂကူဇကုတုဲ
စိုတ်ဂိုဟ်ဍုၚ်ဇုဇဗဴလဇကုတြေံဂှ် မံက်ကၠုၚ်မာန် ဒှ်ဓဝ်သိၚ်သာ လတူဂကူဇကု
မဒးဒုၚ်ဍဵုဍိုက်ပျဲပျာံကၠုၚ် မဒးဒုၚ်ဂစိုတ်ကၠုၚ်ဒၟံၚ် စဵုကဵုတ္ၚဲဏအ်
မဒးဒုၚ်ကမၠက်ကၠုၚ်ဒၟံၚ်ဂကူဂှ် ကၠးဂွံတုဲ စိုတ်ဆာန်ဍူဂကူ၊ စိုတ်ဆာန်ဂကူ၊ ဆီဇာတိ
မာန်ဇာတိ ကလေၚ်မံက်ကၠုၚ်ရောၚ်။ ပေဲါဗတိုက်ဗၠးၜးဂကူမန် နွံဒၟံၚ်နဇိုၚ်နတဲဖိုဟ်ဂှ်
တီညာတ်ကၠုၚ်ပၠန်တုဲ မိက်ဂွံလုပ်ကေတ်တာလျိုၚ် မွဲမွဲသာ် အပ္ဍဲစိုတ်တေအ်
ကတဵုဒှ်ကၠုၚ် ညးညးအဲအဲမ္ဂး ပေဲါအံၚ်ဇၞးဂှ် စဵုကဵုသ္ၚောဲကွေဟ်ဟ် ဟွံဒှ်ဍာံဍာံရ။
အပ္ဍဲမလ္ၚတ်လဝ်ဂှ် ဝၚ်ဂကူတၞဟ်ဟ် စပ်ကဵုဍုၚ်လီု၊ လီုတုဲ ကလေၚ်ပ္တန်ဟွံမာန်
ဍုၚ်ကၠေအ်ဂကူကၠက်အာ ဥပမာ ညံၚ်ရဴဂကူပျူတအ်ကီု၊ ဂကူလ္ၚဵုဍုၚ်လီုတုဲ
ကလေၚ်ဒက်ပ္တန်မာန် ဥပမာ ဂကူအေတ်သရေတအ်ကီုဂှ်လေဝ် ဂပ်ဝ်ဒးကဵုလ္ၚတ်။ ဂွံခန်လ္ၚတ်
ဗွဲမဂၠိုၚ်မာန်။ အပ္ဍဲခန်လ္ၚတ်တအ်ဂှ် တၚ်ပရေအ်ဂှ်ပဲါ ဂၠာဲကေတ်တၚ်ခိုဟ်။ ဂတနူဏအ်သာတုဲ
ညံၚ်ဂွံခိုဟ်ဂၠိုၚ်တိုန်က္ဍၚ်ဂှ် သွက်ဂွံကၠောန်အာ သွက်ဂကူဇကုရ။
ဂကူမွဲမွဲ ဍိုက်ပေၚ်ဒၟံၚ် ကုလက်သန်ဂကူကၠာရ၊ ဍုၚ်မၞံုကဵုအဝဵုဟွံမွဲမ္ဂး
စိုပ်ဒၟံၚ်ဘဝဍိက်ရ။ ဍုၚ်ဟီုဂှ် ရံၚ်အာကဵုကာလလၟုဟ်မ္ဂး ကလေၚ်ပတန်ဗီုဍုၚ်ဨကရာဇ်
ခေတ်တြေံတေအ်ဂှ် ကာလဒှ်မှ ဣဒှ်ရောၚ်။ ညံၚ်ဂွံသၟဟ်ကဵု အကာဲအရာတ္ၚဲဏအ် ဒးဖန်အာတုဲ
အဓိက အဝဵု အခေါၚ်ကံကုသဵုဂကူဇကု ဇကုညံၚ်ဂွံဖန်ကေတ်မာန်၊ အဝဵုဂှ်
ညံၚ်ဂွံစိုပ်အပ္ဍဲတဲဇကုဂှ် ဒးဂိုတ်ဂစာန်။ အဝဵုဝွံ ယဝ်ရဟွံစိုပ် အပ္ဍဲတဲဂကူပိုဲမ္ဂး
နူဘဝဍိက်ဂှ် တိတ်ဗၠးဟွံမာန်။ ကျာ်ဇၞော်အစာစွောအ် (လုပ်အာဍုၚ်သေံ
ပ္ဍဲလက်ထက်ဟံသာဝတဳလက်ကြဴအိုတ်လီု) ဗ္ကန်လဝ် ဘဝဍိက်ဂှ် က္ဍုဟ်ညံၚ်အိက် – တရဴဇၞော်ညိ။ ဍုၚ်ဇကု ကလေၚ်တဝ်စၞေဟ်ကေတ် ဒဵုဂွံ၊
လ္ပယှအ်စိုတ်ဇဲ ကလေၚ်ပၠန်တဲညိ ဂကူမန်တအ် သ္ပဇြိုဟ်နက် ကုဂလာန်ဗ္စန်ဝွံတုဲ
အုပ်ကၠေအ်လိက်ဝွံ ဆဏအ်ကၠာရ။
ဍုၚ်မန်တြေံလီု ပတန်ဍုၚ်မန်တၟိအိုတ်စိုအ်။
သ္ဂံၚ်ရတ်သ
(ဂျာနေဝ်
ဍုၚ်မန်တၟိ လၟေၚ်(၂၇) လၟိဟ် (၁) ၁၃၆၉ ဂိတုပသာ်၊ မုက်၁၉-၂၂၊ ပ္တိတ် ဌာနပရေၚ်စန်ဒက်
(ဗဟဵု) ဗော်ဍုၚ်မန်တၟိ)
ဍုၚ်တြေံလီု ပ္တန်ဍုၚ်တၟိ ~ ရမျာၚ်တိမိ >>>>> Download Now
ReplyDelete>>>>> Download Full
ဍုၚ်တြေံလီု ပ္တန်ဍုၚ်တၟိ ~ ရမျာၚ်တိမိ >>>>> Download LINK
>>>>> Download Now
ဍုၚ်တြေံလီု ပ္တန်ဍုၚ်တၟိ ~ ရမျာၚ်တိမိ >>>>> Download Full
>>>>> Download LINK